Nagbabala si Angelica Yulo, ina ng two-time Olympic gold medalist na si Carlos Yulo, laban sa mga pekeng Facebook accounts na gumagamit ng kanyang pangalan upang manghingi ng pera. Ayon kay Angelica, may mga taong nagpapanggap na siya at nanghihingi ng pera para ipadala sa isang GCash account. Sa kanyang official Facebook page, hinikayat niya ang publiko na maging mapanuri at mag-ingat.
“Be vigilant! May mga naglalabasang fake accounts ko po and may mga quote cards pa. Inuulit ko po, iisa lang po ang Facebook account ko, wala nang iba pa. Aside from my live selling, wala na po akong ibang post,” sabi ni Angelica.
Mula sa 12,000 followers noong Agosto 2024, mabilis na tumaas ang bilang ng mga sumusubaybay sa kanyang page, na ngayon ay may 103,000 followers. Pinaniniwalaang isa ito sa mga epekto ng hindi pagkakaunawaan sa pagitan ni Angelica at ng kanyang anak na si Carlos Yulo, na nanalo ng dalawang gintong medalya sa 2024 Paris Olympics.
Kasama ng kanyang babala, tumulong din ang mga kaibigan ni Angelica sa pagpapakalat ng impormasyon tungkol sa mga pekeng account na ginagamit ang kanyang pangalan para makapanloko ng ibang tao. Tila nais ni Angelica na ipagpatuloy ang kanyang buhay at makalimot sa mga isyung bumabalot sa kanilang pamilya.
Samantala, sa kabila ng mga negatibong isyu, tila tinatanggap naman ng asawa ni Angelica ang suporta mula sa kanilang mga tagasubaybay. Sa kanyang mga live selling session, tinatanggap niya ang "stars" na ipinapadala ng kanilang mga followers, at bukas din siyang ibigay ang kanyang GCash account number para sa mga gustong magbigay ng ayuda.
Simula nang pumutok ang balita tungkol sa hindi pagkakaunawaan ni Carlos at ng kanyang mga magulang, tila hindi natatapos ang pagiging laman ng balita ng pamilya Yulo. Gayunpaman, marami na rin ang nagsasabing napapagod na sa isyung ito, at umaasa ang iba na tuluyan nang maayos ang gusot sa pagitan ng mag-ina.
Walang komento:
Mag-post ng isang Komento