Arnel Pineda, Magreresign Na Sa Journey?! Nagbigay Ng Deal Sa Kanyang Mga Basher Matapos Mag-viral Ang Bad Performance Niya Sa Rock in Rio!

 

Usap-usapan ngayon sa social media ang naging pahayag ng The Journey frontman at kilalang singer na si Arnel Pineda matapos mag-viral ang isang video ng kanyang bad performance sa Rock In Rio. Sa kabila ng kanyang mga tagumpay bilang lead singer ng sikat na international band, tila nagulantang si Pineda sa dami ng mga negatibong komento na kanyang natanggap dahil sa naturang performance.

Sa kanyang official social media accounts, naglabas ng matapang at emosyonal na mensahe si Arnel Pineda tungkol sa kontrobersiyang kinahaharap. "It's really amazing how 1 thousand right things you have done will be forgotten just cause of THIS..and of all the place, it's in Rock In Rio," ani Pineda. Inamin niya na siya mismo ang pinakanadismaya sa kanyang naging performance at naging saksi sa negatibong epekto nito sa kanyang mental at emosyonal na kalusugan.

“Mentally and emotionally, I've suffered already, and I'm still suffering… but I’ll be okay,” dagdag niya, na nagpapakita ng kanyang pagiging tapat sa kanyang nararamdaman sa gitna ng pagsubok.

Isa sa mga ikinagulat ng marami ay ang pagbigay ni Arnel Pineda ng isang "deal" sa kanyang mga basher. Ayon sa kanya, handa siyang magbitiw bilang lead singer ng Journey kung umabot ng 1 milyon ang mga taong magte-text ng "GO" upang ipahayag ang kanilang kagustuhan na siya'y umalis sa banda. “So here’s the deal here now… I am offering you a chance now (especially those who’ve hated me and never liked me from the very beginning) to simply text GO or STAY right here,” ani Pineda. “And if GO reaches 1 million… I’m stepping out for good… are you game folks? Let’s start."

Ang pahayag na ito ay nagdulot ng mas marami pang reaksyon sa social media, at tila nagpaigting sa usapin ng kanyang pagganap bilang lead singer ng Journey.

Ang naging pahayag ni Arnel Pineda ay nagdulot ng iba't ibang reaksyon mula sa publiko. May mga nagpakita ng suporta at nagbigay ng mensahe ng pagpapalakas ng loob sa kanya, habang may ilan naman ang nagbigay ng opinyon na maaaring masyado raw siyang apektado ng mga komento ng kanyang bashers.