Carlos Yulo, Hinangaan Bilang 'most-admired Athlete' Dahil Sa Pagmamahal Sa Pamilya!

 

Sa isang survey na isinagawa ng ABS-CBN News, itinanghal si two-time Olympic gold medalist Carlos Yulo bilang pinaka-hinahangaang atleta ng publiko. Ngunit hindi lamang dahil sa kanyang kahusayan sa gymnastics ang dahilan kung bakit nakuha niya ang titulong ito, kundi dahil sa kanyang taos-pusong pagmamahal sa kanyang mga magulang at kapatid.

Hindi maikakaila ang malalim na pagpapahalaga ng mga netizens sa kanyang pagiging mapagmahal na anak at kapatid. Ayon sa mga komento ng publiko, si Carlos Yulo ay inspirasyon hindi lamang dahil sa kanyang mga medalya at tagumpay sa sports, kundi dahil sa kanyang pagpapakita ng tunay na Filipino values.

Narito ang ilan sa mga sentimyento ng mga sumagot sa survey:

• “Carlos Yulo, syempre, mapagmahal na anak at kapatid. Halos malimutan nga sarili niya kasi pamilya niya ang iniisip niya."
• “Si Caloy, napakabait na bata at masunurin sa magulang."
• “Walang tatalo kay Carlos Yulo. Inspirasyon ang pamilya para sa kanyang mga pangarap. Marespetong anak, hindi hahayaan ang kahit sino na alipustahin ang kanyang mga magulang. Hindi lang magaling na atleta pero tunay din na may Filipino values. Huwaran para sa mga kabataan at susunod na henerasyon."
• “Si Caloy po, kasi mabuting anak. Inuuna ang pamilya kaysa ibang tao."

Bukod sa kanyang tagumpay sa larangan ng gymnastics, hinangaan din si Carlos dahil sa kanyang pagtutok sa pamilya. Kilala siya sa kanyang malalim na respeto at pagmamahal sa kanyang ina, na naging gabay niya sa kanyang mga pagsubok. Para kay Carlos, higit pa sa anumang medalya o tropeyo, ang pamilya ang tunay niyang tagumpay.

Ayon pa sa isang netizen, “Siyempre si double gold, napakabait at mapagmahal sa magulang. Iniwan ang jowa para makasama ang magulang."

Ang pagiging mapagmahal na anak at kapatid ni Carlos Yulo ay patuloy na nagbibigay inspirasyon hindi lamang sa mga atleta, kundi pati na rin sa mga kabataang Pilipino na nagsusumikap para sa kanilang mga pangarap, kasabay ng pagbibigay ng halaga sa kanilang pamilya. Sa kabila ng mga tagumpay na kanyang nakakamit sa pandaigdigang entablado, nananatiling nakatapak sa lupa si Carlos, at ito ang tunay na dahilan kung bakit siya minamahal at hinahangaan ng marami.