Kilala si Chloe San Jose, internet celebrity at kasintahan ng two-time Olympic gold medalist na si Carlos Yulo, sa kanyang tapang na harapin ang mga kritisismo, lalo na ang mga tagasuporta ng pamilya ni Carlos.
Kamakailan, ipinahayag ni Chloe sa isang panayam kay Luis Manzano na isa sa mga bagay na nagpapasaya sa kanya ay ang mga mensaheng natatanggap mula sa kanyang mga tagasunod na sinasabing siya ay naging inspirasyon sa kanila upang ipaglaban ang kanilang mga paniniwala.
“They’re kind of saying one thing na ‘Thank you Ate for being an inspiration na maging strong and maging totoo sa sarili and really fighting for what you want.’ That really touches me po na may nai-inspire pala na ipaglaban ‘yung sarili nila,” pagbabahagi ni Chloe sa kanyang panayam.
Ang kasalukuyang relasyon nina Carlos at Chloe ay hindi nakaligtas sa mga kontrobersiya, lalo na matapos maging viral si Chloe dahil sa kanyang mga sagot sa ilang komento mula sa mga magulang ni Carlos. Hindi nagdalawang-isip si Chloe na ipagtanggol ang sarili at ang kanilang relasyon laban sa mga bumabatikos sa kanila.
“I’m not here to please anyone. I know what I did and didn’t. Feel free to keep believing whatever you see and read online, it doesn’t matter— I know my truth and so does the people around me, most specially mahal Carlos. The universe has my back,” matapang na pahayag ni Chloe sa isa sa kanyang mga post.
Ayon sa ilang kritiko ni Chloe, pinaniniwalaan nilang siya umano ang dahilan kung bakit tila lumalayo si Carlos sa kanyang pamilya. Bagama’t walang malinaw na dahilan ang mga usaping ito, nananatili si Carlos sa tabi ni Chloe, na patuloy na ipinapakita ang kanyang katapatan sa kasintahan.
Sa kabila ng mga akusasyon at kritisismo, si Chloe ay nananatiling matatag at patuloy na ipinagtatanggol ang kanyang sarili at ang relasyon nila ni Carlos. Naniniwala siya na ang kanyang pagsasalita at pagiging totoo sa sarili ay nagbibigay inspirasyon sa kanyang mga tagasunod na gawin din ang nararapat para sa kanilang sarili.
Sa ngayon, patuloy na sinusubaybayan ng publiko ang relasyon nina Carlos at Chloe, ngunit para sa magkasintahan, mahalaga ang tiwala at pagmamahal na ibinibigay nila sa isa’t isa, sa kabila ng mga intriga at hamon na kanilang kinakaharap.
Walang komento:
Mag-post ng isang Komento