Hindi nakaligtas sa mapanuring mata ng netizens ang pananamit ng two-time Olympic gold medalist na si Carlos Yulo nang makita siyang nakasuot ng crop top shirt sa South Korea. Isang larawan ang kumalat sa social media na kuha ng isang turista kasama si Carlos at ang kanyang nobya na si Chloe San Jose, na nagdulot ng samu't saring reaksyon mula sa netizens.
Ayon sa nag-upload ng larawan na si Tan, isang turista sa South Korea, nakita niya si Carlos na naglalakad kasama si Chloe at nagdesisyon siyang humingi ng pagkakataon na makapagpa-picture. "I was minding my own business lang as usual tapos bigla na lang may sumitsit at gusto magpapicture sakin. Kamot ulo pero sabi ko sige na nga hahaha," kwento ni Tan sa kanyang social media post.
Makikita sa nasabing larawan si Carlos Yulo na naka-crop top shirt na may katulad na disenyo ng suot ni Chloe. Dahil dito, agad na naging usap-usapan ang kanyang outfit sa social media, kung saan maraming netizens ang nagbigay ng kanilang opinyon tungkol sa fashion choice ng Filipino gymnast.
Agad na naging sentro ng talakayan ang crop top outfit ni Carlos Yulo, at marami ang nagtanong kung si Chloe San Jose nga ba ang nagtulak sa kanyang nobyo na magsuot ng ganitong estilo. May ilan na nagsabing hindi bagay ang damit kay Carlos at tila nagulat sa kanyang outfit choice.
“Ang dami na talagang pwedeng maging fashion statement ngayon. Hindi ko lang inexpect na si Carlos Yulo na mismo ang magle-lead sa trend ng crop top,” ani ng isang netizen. Mayroon ding nagsabing baka "influenced" si Carlos sa pananamit ni Chloe, kaya’t sumabay siya sa trend na ito.
Gayunpaman, hindi naman nagpahuli ang mga tagasuporta ni Carlos sa pagtatanggol sa kanyang fashion choice. Ayon sa kanila, normal na fashion statement na ang crop top sa Pilipinas at sa iba't ibang parte ng mundo, kaya’t hindi dapat husgahan ang isang tao batay sa kanyang pananamit. "Uso naman ang crop top ngayon! Hindi naman ibig sabihin na kapag lalaki ka, hindi ka na pwede magsuot ng ganun," sabi ng isang fan ni Carlos.
Walang komento:
Mag-post ng isang Komento