Ayon kay Dr. Willie Ong, nagsimula siyang magkaroon ng mga kakaibang "visions" at panaginip bago niya nalaman ang kanyang kondisyon. Sa kanyang panaginip, nagpakita ang kanyang ina na pumanaw dalawang taon na ang nakalilipas dahil din sa sakit na cancer. “Nagkakaroon na ako ng visions before that time. I saw my mom who died two years ago. ‘Yung mommy ko sa dream ko, kinukuha na niya ako,” pagbabahagi ni Dr. Willie.
Sa panaginip na iyon, narinig ni Dr. Willie ang kanyang ina na tinatawag siya: “Willie boy, come to me, come to me!” Dagdag pa niya, tila ipinapahiwatig ng kanyang ina na tapos na ang kanyang misyon sa mundong ito. “Parang sabi ng nanay ko: ‘You’ve done your job on earth. Ginawa mo nang 60 years, e,” ani ni Doc Willie.
Ang ganitong uri ng karanasan ay nagdala ng malaking epekto sa buhay ni Dr. Willie Ong, lalo na’t siya ay kasalukuyang nakikipaglaban sa kanyang sakit. Ngunit sa kabila ng lahat ng ito, sinabi ni Doc Willie na handa siyang tanggapin ang anumang kahihinatnan ng kanyang laban sa cancer.
“Kapag sinabing walang pag-asa, e ‘di tapos. That’s it pansit,” wika niya. Ang kanyang pahayag ay nagpakita ng kanyang tapang at pagtanggap sa katotohanan ng buhay, kahit pa sa harap ng isang seryosong sakit.
Ang karanasan ni Dr. Willie Ong ay nagbigay-diin din sa matinding pagmamahal niya sa kanyang ina. Ang mga salitang binitiwan ni Mommy Juanita sa kanyang panaginip ay tila nagbigay sa kanya ng kasiguruhan at pag-asa sa kabila ng kanyang kasalukuyang laban. Ipinapakita nito ang hindi matatawarang koneksyon sa pagitan ng mag-ina, kahit pa sa kabila ng kamatayan.
Hangad ng marami ang patuloy na pagbangon ni Dr. Willie Ong sa kanyang laban, at umaasa na sa kabila ng kanyang pinagdaanan, magpapatuloy siyang maging ilaw ng kaalaman at inspirasyon sa lahat ng nangangailangan ng gabay at lakas.
Walang komento:
Mag-post ng isang Komento