Sa gitna ng kontrobersya tungkol sa diumano’y diskriminasyon laban sa Aspin sa Balay Dako restaurant sa Tagaytay, nagbigay ng kanilang suporta si Heart Evangelista at ang kanyang alagang Aspin na si Panda. Sa isang post na nagpakita ng kanilang pagtutol, matapang na ipinahayag ni Heart at ni Panda ang kanilang paninindigan matapos tanggihan ng nasabing pet-friendly restaurant ang pagpasok ng kapwa Aspin na si Yoda.
Sa kanyang nakakatuwang post, sinabi ni Heart at Panda, “Anong walang breed???! Mas may breeding pa ako sa inyo ha. Loka mga 'to. Hello sa mga kasali sa Aspin Society Elite,” kalakip ang mga hashtag na #wagako, #aspinsocietyelite, #presidentpanda, at #notodiscrimination.
Nagkomento rin si Heart, na proud "paw-mom" ni Panda, sa post ng kanyang alaga. “Invite mo na anak si Yoda for high tea!” pabirong dagdag pa ni Heart, na tila imbitasyon para kay Yoda matapos ang hindi magandang karanasan nito sa Balay Dako.
Marami ang nakiayon sa pahayag ni Heart at Panda, na nagbigay-diin sa patuloy na isyu ng hindi patas na pagtrato sa mga Aspin, o mga native dogs. Ang kanilang post ay umani ng suporta mula sa netizens na nagkakaisa sa pagsasabing hindi dapat dinidiscriminate ang mga asong walang lahi.
"We stand for Yoda, we stand for President Panda, and we stand for all aspins!" ani ng ilang netizens, na mas lalong nagpaigting ng suporta para sa mga Aspin at laban sa hindi pantay na pagtrato.
Ang insidenteng ito ay muling nagbigay-daan sa mas malalim na usapan tungkol sa patas na pagtrato sa lahat ng uri ng aso, anuman ang kanilang lahi o laki. Patuloy ang suporta mula sa iba't ibang personalidad at pet lovers na naniniwalang ang pagmamahal at respeto sa alagang hayop ay walang kinikilalang lahi.
Walang komento:
Mag-post ng isang Komento