Isang netizen ang nagbahagi ng kanyang pagkadismaya sa sikat na fast-food chain na Jollibee matapos makatanggap ng tila "peach mango pie-size" na Chickenjoy. Ang naturang post ay nag-viral at umani ng samu't saring reaksyon mula sa ibang netizens na tila nakaka-relate sa kanyang hinaing.
Sa kanyang viral post, ibinahagi ng netizen ang kanyang pagka-inis matapos makitang maliit ang kanyang Chickenjoy, na aniya’y kasing laki lamang ng paboritong peach mango pie ng Jollibee. "Totoo ang chismis! Jollibee, nakaka-sad naman ng Chickenjoy, akala ko binigyan ako ng peach mango pie," saad ng netizen sa kanyang post na agad namang kumalat sa social media.
Dahil sa post na ito, maraming netizens ang nagpahayag ng kanilang pagkadismaya sa Jollibee, lalo na’t napansin nila ang tila patuloy na pagliit ng servings ng kanilang paboritong Chickenjoy sa kabila ng patuloy na pagtaas ng presyo nito. Marami ang nagbahagi ng kanilang sariling karanasan sa pagbili ng Chickenjoy, na sinasabing hindi na umano ito tulad ng dati sa laki at lasa.
Sa kabila ng mga reklamo, marami pa rin ang nagmamahal sa Jollibee at umaasang mareresolba ang isyung ito. May ilang netizens ang naniniwala na ang pandemya at pagtaas ng presyo ng mga sangkap ang maaaring dahilan kung bakit nagbago ang laki ng servings. Subalit, mayroon ding ilan na nagsasabing dapat maging mas transparent ang mga fast-food chains sa kanilang mga produkto, lalo na’t binabayaran ito ng kanilang mga loyal customers.
Sa ngayon, wala pang opisyal na pahayag ang Jollibee tungkol sa isyung ito, ngunit umaasa ang publiko na sana'y magbigay sila ng linaw at aksyon upang matugunan ang mga hinaing ng kanilang mga parokyano. Marami ang nag-aabang kung anong hakbang ang kanilang gagawin upang maibalik ang tiwala ng kanilang mga customers.
Walang komento:
Mag-post ng isang Komento