Kapuso Actor Ken Chan, nahaharap umano sa kasong syndicated estafa na nagkakahalaga ng P30 milyon. Ang balita ay unang lumabas matapos iulat ni Ogie Diaz at mai-publish ang ilang dokumento sa social media na naglalaman ng mga detalye ng kaso laban sa aktor at sa kanyang mga kamag-anak.
Ayon sa ulat, si Ken at ang ilang miyembro ng kanyang pamilya ay kinasuhan kaugnay ng isang investment scam na diumano’y kinasangkutan nila. Naghain na ng apela si Atty. Garduque sa Department of Justice (DOJ) upang repasuhin ang kaso ng aktor.
Ang balitang ito ay nagsimulang umikot matapos ang isang blind item tungkol sa isang kilalang personalidad na may kaugnayan sa isang scam. Kasalukuyan umanong nasa labas ng bansa si Ken Chan kasama ang kanyang pamilya, ngunit ayon sa mga ulat, planong bumalik ni Ken sa Pilipinas upang harapin ang mga paratang laban sa kanya.
Sa kasalukuyan, wala pang pormal na pahayag mula kay Ken Chan hinggil sa kasong kanyang kinakaharap, ngunit maraming netizens at mga tagasuporta ang nakatutok sa magiging susunod na hakbang ng aktor.
Ayon sa ilang ulat, kumuha na ng serbisyo si Ken mula kay Atty. Maggie Abraham-Garduque upang tulungan siya sa kasong ito at linisin ang kanyang pangalan. Maraming nag-aabang sa magiging resulta ng kasong ito lalo na’t kilalang personalidad si Ken sa mundo ng showbiz.
Walang komento:
Mag-post ng isang Komento