Isang kontrobersyal na hula ang muling bumandera sa social media matapos magbahagi ng panibagong bisyon ang kilalang celebrity fortune-teller na si Rudy Baldwin. Ang kanyang hula ay agad na iniuugnay ng mga netizens sa pagkawala ng Miss Grand Philippines 2023 Candidate na si Catherine Camilon. Si Catherine, na isa ring guro mula sa Batangas, ay nawala noong Oktubre 12, matapos mawalan ng komunikasyon sa kanyang pamilya. Hanggang ngayon, siya ay idineklarang nawawala pa rin, at patuloy na sinusundan ng milyun-milyong netizens ang kaso, umaasang buhay pa ang beauty queen.
Gayunpaman, ang bisyon ni Rudy Baldwin ay nagdulot ng pag-aalala sa ilan matapos nilang mabasa ang kanyang post tungkol sa isang babaeng mula sa Batangas na umano’y nakita niyang “binaon sa lupa” at wala nang buhay.
Sa kanyang post, sinabi ni Baldwin:
“NAKIKITA KO AY PAULIT ULIT KUNA KIKITA. HALOS ARAW AT GABI LAGI LUMALABAS SA VISION KO. KAYA POST KUNA AT NASA SA INYO KUNG PANIWALAAN NYO MAN O HINDI. GAYA NG MADALAS KO PONG SINASABI NA TAO LAMANG AKO AT HINDI AKO DIOS PARA ALAM KO LAHAT. KUNG ANO MAN PINAPAKITA SA AKIN HANGGANG DUN LANG DIN ANG AKING MASASABI. ME NAKITA AKONG ISANG BABAE NA NA BINAON SA LUPA NA WALA NG BUHAY. SA ISANG LUGAR NA KUNG SAAN TAPAT NITO AT KALAPIT LANG NG DAGAT. AT ANG TAPAT NG DAGAT AY ME MAKITA KANG MATATAAS NA MGA DAMUHAN. MARAMING DAMO. MEDYO MAHABA ANG DAMUHAN. AT ME NAKITA DIN AKONG BAHAY NA BATO PERO WALA AKONG MAKITA NA TAO. ME KALAYUAN SA SYUDAD TO DAHIL MAHABA ANG KALSADA NA NAKITA KO SA VISION KO.”
Ang post na ito ni Baldwin ay agad na nag-viral at umani ng iba’t ibang reaksyon mula sa publiko. Marami ang nagdududa at naghahanap ng katotohanan, habang ang iba naman ay mas lalong nabahala sa sinapit ni Catherine Camilon. Hanggang sa ngayon, patuloy pa rin ang imbestigasyon sa pagkawala ni Catherine, at umaasa ang kanyang pamilya at mga tagahanga na magkakaroon ng malinaw na kasagutan sa kanyang pagkawala.
Samantala, ipinapaalala ni Baldwin sa kanyang mga tagasunod na ang kanyang mga bisyon ay hindi garantisadong tama, at ang lahat ng ito ay base lamang sa kanyang nakikita sa kanyang mga hula.
Walang komento:
Mag-post ng isang Komento