Inamin ng aktres na si Kylie Padilla ang mga pagsubok na kinakaharap niya bilang isang single working mom sa kanyang dalawang anak na sina Alas at Axl. Sa isang emosyonal na social media post, ibinahagi ni Kylie ang kanyang pakikibaka sa pagbabalanse ng pagiging ina at pagiging provider para sa kanyang mga anak.
Ayon kay Kylie, mas pinipili niyang patulugin sa kanilang kuwarto ang mga bata upang masanay sila, lalo na’t madalas siyang puyat dahil sa mga taping at shooting. "But it gets really hard when I miss them lalo na the times when I come home when they are sleeping and I leave when they are sleeping," ani ng aktres, na nagpapakita ng kanyang pangungulila sa mga anak kahit pa siya ang nagbibigay ng lahat ng kanilang pangangailangan.
Dahil sa kanyang busy na schedule, itinuturing ni Kylie na mga priceless moments ang kanyang mga day-off, kung saan sinasadya niyang iwanang bukas ang pinto ng kanyang kuwarto para makapiling ang mga bata tuwing umaga. "I purposefully leave my door unlocked so they can come to my side in the morning and give me morning kisses and hugs," aniya.
Dagdag pa ni Kylie, ang mga simpleng yakap at halik mula sa kanyang mga anak ang nagbibigay sa kanya ng lakas at motibasyon para ipagpatuloy ang kanyang trabaho. "I live for those moments. They don’t know that this is my fuel. Kakayanin kahit ano basta may kiss and yakap ako sa kanila," pagbabahagi ng aktres.
Sa kabila ng kanilang estranged relationship ni Aljur Abrenica, ipinapakita ni Kylie na matapang niyang hinaharap ang hamon ng pagiging single mom, patuloy na sinisikap na ibigay ang lahat para sa kanyang mga anak habang pinagsasabay ang kanyang karera at personal na buhay.
Walang komento:
Mag-post ng isang Komento