Mainit na usap-usapan ngayon sa Laoag City, Ilocos Norte ang naganap na pagsira at pagsunog sa ilang rebulto ng Sto. Niño na hindi aprubado ng Simbahang Katoliko. Ang kontrobersyal na insidenteng ito ay nagdulot ng diskusyon sa komunidad, lalo na sa mga deboto at mananampalataya ng Sto. Niño.
Ayon sa ulat ng Diocese of Laoag, ilan sa mga rebulto ng Child Jesus na sinunog ay ang mga imahe na tinuturing na hindi naaayon sa turo ng Simbahang Katoliko at itinuturing na may halong paganong paniniwala.
Ang pagsira sa mga rebultong ito ay isinagawa matapos matukoy na ang mga imaheng ito ay ginagamit o isinusulong ng ilang kulto sa rehiyon. Naging mainit na usapin ang insidente, at nagdulot ito ng debate sa pagitan ng mga deboto ng Sto. Niño at mga lider ng simbahan.
Bago pa man maganap ang insidente, nagbigay na ng babala ang Catholic Bishops' Conference of the Philippines (CBCP) sa mga mananampalataya hinggil sa mga rebulto ng Sto. Niño na nahahaluan ng mga paganong kasanayan. Ayon sa CBCP, tanging mga imaheng aprubado ng Simbahang Katoliko lamang ang dapat gamitin at pagyamanin ng mga deboto.
Ayon sa kanila, ang mga imahe ng Sto. Niño na dapat kilalanin at ipagdiwang ay ang mga makikita sa mga simbahan, kung saan ang Sto. Niño ay may hawak na globo, setro, at may suot na korona. Ang mga ito ay nagpapakita ng kanyang pagka-Hari ng Mundo at hindi dapat haluan ng ibang paniniwala o kasanayan.
Ang pagsira at pagsunog sa mga rebulto ng Sto. Niño ay nagdulot ng iba’t ibang reaksyon mula sa mga deboto at netizens. May ilan na sumang-ayon sa naging hakbang ng Simbahang Katoliko, na nagsasabing ito ay nararapat lamang upang mapanatili ang tunay na mensahe at kahulugan ng debosyon sa Sto. Niño.
Walang komento:
Mag-post ng isang Komento