Isang napakagandang alaalang iniwan ni Angelica Panganiban sa kanyang yumaong ina ang ipinakita sa publiko nang ipangalan niya ang kanilang farm sa Tanauan, Batangas bilang "Ebela’s Farm." Ang farm na ito ay pag-aari ni Angelica at ng kanyang mister na si Gregg Homan, at ito ay isang espesyal na parangal sa ina ni Angelica na si Annabelle “Ebela” Pangilinan.
Sa isang vlog, ibinahagi ni Angelica ang rason sa likod ng pangalan ng farm, na nagsisilbing alaala ng kanyang ina. “We’re here at Ebela’s Farm. Ipinangalan namin kay mama ang farm, para bang kasama pa rin namin siya. Since hindi pa namin mapatayuan ng building si Ebela (na) Ebela’s Building, Ebela’s Farm muna,” pahayag ni Angelica.
Matatandaang pumanaw si Mommy Ebela noong August 20, 2024, at inamin ni Angelica na ang pagkawala ng kanyang ina ay biglaan at masakit. “Sa mga hindi nakakaalam, si Ebela is my mom who passed away (on) August 20th. So medyo sudden ang kanyang pang-iiwan sa atin, pero ganoon talaga,” dagdag niya.
Kasama ng pamilyang Panganiban-Homan, muling nagbalik sa social media ang kanilang buhay sa pamamagitan ng nasabing vlog. Ipinaliwanag ni Angelica na nagdesisyon silang magpahinga pansamantala dahil sa mga pangyayari, ngunit patuloy ang kanilang pagsasaya sa mga espesyal na okasyon. “Nagpahinga kami dahil sa mga kaganapan recently. But life goes on. Kailangan namin i-celebrate ang life. Birthday na ni Amila. Birthday na rin ni Greg. So, both September celebrants sila kaya nag-decide kaming mag-celebrate dito sa farm. Maliit na celebration lang with family and mga kaibigan lang ni Gregg,” ani Angelica.
Isang inspirasyon ang ipinakita ni Angelica sa pagbibigay pugay sa kanyang ina, at pinapaalala sa ating lahat na ang pagmamahal sa pamilya ay walang hanggan, at ang mga alaala ng mga mahal natin sa buhay ay mananatiling buhay sa ating puso, tulad ng Ebela’s Farm.
Walang komento:
Mag-post ng isang Komento