Marami ang nakapansin sa cryptic message ni Chloe matapos mapili si EJ Obiena, ang Filipino pole vaulter, bilang bagong MILO brand ambassador.
Sa kanyang post na nagsasabing, "You were my cup of tea but I drink champagne now," maraming netizens ang nagtanong kung ito ba ay isang mensahe para sa MILO at kay EJ Obiena, lalo na't usap-usapan ang hindi pagkakapili kay Carlos Yulo bilang brand ambassador ng nasabing brand.
Matatandaan na si Carlos Yulo ay isang two-time Olympic gold medalist, at maraming tagahanga ang nagulat nang hindi siya ang napili bilang bagong mukha ng MILO, sa kabila ng kanyang tagumpay at mga nagawa para sa bansa. Ayon sa ilang netizens, tila may bahid ng pagkadismaya ang post ni Chloe, lalo na't suportado niya ang career ni Carlos at ang pagkakaiba ng pagtrato sa kanilang dalawa ni EJ ay nagdulot ng diskusyon sa social media.
Bagama’t hindi direktang sinabi ni Chloe ang kanyang damdamin ukol sa isyu, maraming tagasuporta ni Carlos ang nagpakita ng kanilang pagsuporta sa kanila, na sinasabing nararapat lamang na mabigyan ng tamang pagkilala si Carlos sa kabila ng mga kontrobersya. Sa kabila nito, nananatiling tahimik si Carlos Yulo at hindi pa nagbibigay ng pahayag ukol sa usapin.
Walang komento:
Mag-post ng isang Komento