Ipinakita ng SB19 member na si Stell Ajero ang kanyang pagiging positibo at kumpiyansa sa sarili sa kabila ng mga pambu-bully na natatanggap niya online. Proud na proud si Stell sa kanyang mga lumang larawan na kuha bago siya sumailalim sa anumang cosmetic procedures, kahit pa patuloy itong ginagamit ng ilang netizens para gawing biro o “meme” sa social media.
Sa kanyang TikTok live, inihayag ni Stell na nakikita niya pa rin ang mga larawan sa Facebook na ginagamit ng iba para pagtawanan siya. “Pag nago-open ako ng Facebook talagang nakikita ko, specially ‘yung picture nga na kumakalat. Ginagamit talaga ng lahat to make fun of me. Ginagamit nila kahit saan, mga memes, sa mga kung ano-anong bagay, kinu-compare nila sa ibang mga artists, ibang P-pop idols. Tapos sinasabi nila maasim,” ani Stell.
Ngunit imbes na magalit o masaktan, ipinakita ni Stell ang kanyang maturity at pagiging proud sa kung sino siya dati. “Ako, hindi naman ako nasasaktan. Unang-una sa lahat, proud ako doon sa photo na ‘yon. Proud ako doon kasi kahit anong gawin natin, part pa rin siya ng past ko. And proud ako doon kasi ‘yun yung reason bakit ako nandito ngayon,” pahayag niya. “Merong ganoong klaseng Stell kaya merong Stell na ganito ngayon,” dagdag pa niya, na nagpapakita ng kanyang pagtanggap at pagmamahal sa kanyang sariling journey.
Ipinunto rin ni Stell na hindi siya galit sa mga nagpo-post ng kanyang mga lumang larawan. Sa katunayan, masaya pa siya na nagiging dahilan siya ng kasiyahan ng iba. “Hayaan ko na lang kung sumaya siya sa ginawa niya. Thankful ako dahil ako ‘yung reason bakit siya masaya,” aniya.
Nagbigay inspirasyon si Stell Ajero sa kanyang mga fans at sa publiko sa pamamagitan ng pagpapakita ng kanyang self-acceptance, pagiging positibo, at kakayahang makita ang mabuti sa bawat sitwasyon. Isang patunay na ang pagiging proud sa ating mga pinagmulan ang siyang susi sa tunay na tagumpay at kasiyahan.
Walang komento:
Mag-post ng isang Komento