Isang 92-anyos na lolo mula sa Palanas, Masbate, ang nagpasya na gumawa ng sarili niyang kabaong bilang paghahanda sa kanyang pagpanaw. Ayon sa panayam sa kanya, sinabi niya na handa na siyang kunin ng Diyos, at madalas na niyang kantahan ang kanyang yumaong asawa, na namatay noong 2017, habang siya'y nagdarasal. "Gusto ko na rin na kunin na ako. Pagkatapos kong magdasal, kinakantahan ko ang asawa ko. Inaawitan ko siya na kunin na ako," ani ng matanda.
Ang kanyang kabaong ay gawa sa isang puno ng mahogany, na siya mismo ang nagtanim noong siya'y 30 taong gulang pa lamang. Dahil matagal na niyang trabaho ang paggawa ng mga kabaong, madali para sa kanya na likhain ang kanyang sariling libingan. Tumayo siya sa taas na 5'4", at siniguradong may sapat na espasyo sa loob ng kabaong upang siya'y kumasya nang maayos.
Bukod dito, hindi lamang kabaong ang kanyang inihanda. Siya rin ay naglaan ng damit na isusuot sa kanyang libing, pera para sa pari na magmimisa, at kanyang huling himlayan sa sementeryo. Ayon sa kanya, gusto niyang maging handa sa kanyang pagpanaw, lalo na't nag-iisa na siya sa buhay mula nang pumanaw ang kanyang asawa. Mayroon siyang isang anak na si Willy, na kasalukuyang nakatira sa NCR, ngunit sa kabila nito, pinili niyang manatili sa Masbate upang maghintay sa kanyang oras ng pag-alis mula sa mundong ibabaw.
Walang komento:
Mag-post ng isang Komento