Aj Raval, Nagpahayag Ng Pagmamahal Kay Aljur Abrenica Sa Gitna Ng Mga Pagsubok:"Alam Ko Kung Gaano Ka Kalapit Sa Panginoon at Saksi Ako Doon"

 

Kamakailan lamang, nagpahayag ng makahulugang mensahe si AJ Raval para sa kanyang nobyo na si Aljur Abrenica, sa gitna ng mga hamong kinakaharap nito. Sa isang Instagram post ni Aljur, iniwan ni AJ ang mga komento na nagpapakita ng kanyang buong suporta at pagmamahal para sa aktor.

Sinabi ni AJ na batid niya ang mga pinagdadaanan ni Aljur, at lubos niyang naiintindihan ang mga nararamdaman nito. Ipinahayag din ni AJ na hindi kailanman pababayaan ng Panginoon si Aljur, at tiwala siyang nasa ilalim ng gabay ng Diyos ang kanyang nobyo. Aniya, "Ipagdasal na lang natin ang mga taong mapang-api at mapanghusga... Mahal ka ng Panginoon at kahit kailan hindi ka Niya pababayaan."

Dagdag pa niya, alam niya kung gaano kalapit si Aljur sa Panginoon, at saksi siya sa mga panahong inuuna ni Aljur ang paglapit sa Diyos sa kabila ng mga negatibong komento at isyung hinaharap nito. "Lagi mong pinagpapaliban sa Panginoon kaya kahit kailan hindi mo naisipan gumanti at magsabi ng totoo..." dagdag pa ni AJ, na tila tumutukoy sa mga isyung nagpalibot kay Aljur, kabilang na ang mga akusasyon at kontrobersiyang nagdaang mga buwan.