Hindi ikinatuwa ni Attorney Wilfredo Garrido ang hakbang na ginawa ng IAM Worldwide sa pagkuha kay Carlos Yulo, isang kilalang Filipino gymnast, bilang endorser ng kanilang produkto, ang Choco Barley. Sa kanyang galit at pagkadismaya, hindi na napigilan ni Garrido na magbigay ng negatibong komento patungkol kay Yulo at sa produkto.
Sa isang social media post, napa-ekis pa si Garrido sa larawan ni Carlos Yulo habang hawak nito ang produkto ng Choco Barley. Ang nasabing post ay nagpapakita ng kanyang pagtutol sa endorsement na ito, na tila nagdudulot ng pagka-dismaya sa kanya at sa ilang miyembro ng publiko.
Ayon kay Garrido, "Di pa kayo kilala Choco Barley, kinuha niyo pa ang suwail na anak. E di nawalan na agad gana mga nanay at tatay!" Sinabi niya ito bilang pahayag sa umano'y pagkasira ng imahe ni Yulo dahil sa mga isyung personal na kasangkot ang atleta, lalo na patungkol sa kanyang relasyon sa pamilya, partikular na sa kanyang ina.
Sa kabila ng mga negatibong komento, patuloy pa ring sinusuportahan ng IAM Worldwide si Carlos Yulo bilang endorser ng kanilang produkto. Si Yulo, na nagdala ng karangalan sa bansa sa pamamagitan ng kanyang mga tagumpay sa gymnastics, ay nakikita ng kumpanya bilang isang simbolo ng sipag, dedikasyon, at tagumpay, na mga katangian din ng kanilang produkto.
Walang komento:
Mag-post ng isang Komento