Usap-usapan ngayon sa social media ang tila pagiging malapit ni Diwata, sa kanyang mga customer at fans, isang bagay na hindi umano karaniwan noong kasagsagan ng kanyang kasikatan. Sa mga kumalat na larawan, makikita si Diwata na mas personal nang nakikisalamuha sa kanyang mga parokyano, at maging siya na ang kumukuha ng mga larawan kasama ang mga ito.
Ilang mga personalidad, gaya nina RR Enriquez at Juliana Parizcova, ang pumuna sa biglaang pagbabago sa pakikitungo ni Diwata. Ayon kay RR, "Dating hindi namamansin, ngayon nagpapa-pansin." Pinuna rin ni Juliana ang dating imahe ni Diwata, na umano'y masungit sa mga fans noon, ngunit ngayon ay siya na mismo ang kusang lumalapit sa mga tao. "Dating nagsusungit, ngayon kusang lumalapit," sabi ni Juliana.
Ang pagbabagong ito sa asal ni Diwata ay ikinagulat ng marami, lalo na ng mga netizens na dati nang nagreklamo tungkol sa pagiging snobber umano ng negosyante. Ayon sa ilang mga ulat, noong rurok ng kasikatan ni Diwata, may mga pagkakataong umano'y hindi siya nagpapakita ng magandang pakikitungo sa mga fans na gustong magpakuha ng larawan kasama siya.
Ang isyung ito ay tila naghatid ng bagong imahe kay Diwata, na ngayon ay mas nagiging approachable at bukas sa kanyang mga tagasuporta, sa kabila ng mga batikos. Ang kanyang bagong diskarte sa pakikisalamuha ay maaaring dulot ng kanyang plano na sumabak sa pulitika, kaya't ang pagiging malapit niya sa mga tao ay nagiging mahalaga para sa kanyang imahe.
Walang komento:
Mag-post ng isang Komento