Mariing itinanggi ni Chloe San Jose ang mga paratang na siya ang nagsusulsol o nagsisilbing masamang impluwensiya kay Carlos Yulo, ang tanyag na Filipino gymnast na dalawang beses nang lumaban sa Olympics. Ayon kay Chloe, walang katotohanan ang mga sinasabi ng iba na siya ang may pakana ng mga desisyon ni Carlos sa kanyang buhay at karera. Giit niya, lahat ng nangyayari sa buhay ni Carlos, kabilang na ang kanyang mga tagumpay sa gymnastics, ay desisyon ng atleta mismo.
Sa isang panayam, sinabi ni Chloe, "Never ko naman po siyang sinabihan na gawin mo ito o gawin mo yan. Lahat ng nangyayari sa buhay ni Caloy, desisyon niya iyon. Even yung naabot niya nung nag-Olympics siya!" Dito, ipinapahayag niya na ang bawat hakbang ni Carlos, mula sa mga personal na desisyon hanggang sa mga pagganap sa kompetisyon, ay desisyon ng atleta mismo at wala siyang kinalaman dito.
Ang mga akusasyong ito ay nagsimula matapos lumabas ang ilang mga isyung personal tungkol sa relasyon nina Chloe at Carlos Yulo, partikular na ang mga usapin tungkol sa pamilya ni Carlos. Maraming netizens ang nagkomento at nagsabing si Chloe raw ang nagtutulak kay Carlos na gumawa ng ilang desisyon na hindi sang-ayon sa kanyang pamilya, lalo na sa kanyang ina. Gayunpaman, matapang na tinutulan ni Chloe ang mga akusasyong ito, ipinapakita na hindi siya nangingialam sa mga personal na desisyon ng kanyang partner.
Sa kabila ng mga isyung ito, nananatili si Chloe na isang matatag na suporta para kay Carlos, lalo na sa kanyang mga kumpetisyon. Sa kanyang pahayag, malinaw na sinusuportahan niya si Carlos at ipinagmamalaki ang mga tagumpay na naabot nito, mula sa mga lokal na kumpetisyon hanggang sa kanyang paglahok sa mga international tournaments tulad ng Olympics.
Walang komento:
Mag-post ng isang Komento