Ibinahagi ni Cynthia Carrion, ang pangulo ng Gymnastics Association of the Philippines na malaki sana ang posibilidad na maayos na ang gusot sa pagitan ng two-time Olympic gold medalist na si Carlos Yulo at ng kanyang pamilya, kung hindi lamang naisapubliko ang kanilang isyu. Ayon kay Cynthia, nagsimula ang hindi pagkakaunawaan nang magka-alitan ang pamilya ng nobya ni Carlos na si Chloe San Jose at ang pamilya ni Carlos dahil sa mga patutsada ng kamag-anak ng atleta laban kay Chloe sa social media.
ibinunyag ni Cynthia na si Chloe mismo ay nagplano ng isang dinner upang pag-isahin ang dalawang pamilya at magkaayos na sila. Sa kasamaang-palad, hindi natuloy ang nasabing dinner dahil sa pag-eksplosyon ng isyu sa social media. Ang publiko at media coverage ay nagpatindi ng sitwasyon at naging dahilan para madiscourage si Chloe na ituloy ang plano.
"In fact, she was willing to give a dinner with the parents… her family and the family of Carlos. She was already planning a dinner together, but then, ‘that’ thing came out. All of the things… media coming out… that discouraged her," ani Cynthia.
Ayon kay Cynthia, ang layunin ng nasabing dinner ay magkaroon ng mas maayos na komunikasyon at pagkakaunawaan sa pagitan ng pamilya ni Carlos at ng kanyang nobya. Sa kabila nito, naguluhan ang sitwasyon dahil sa paglabas ng isyu sa publiko, na nagpalala ng tensyon sa halip na makabuo ng pagkakasundo.
Walang komento:
Mag-post ng isang Komento