Nagpahayag ng matinding pagkabahala ang mga netizens matapos ibunyag ng isang dating miyembro ng Kingdom of Jesus Christ (KOJC) ang umano'y mga sekreto ng organisasyon, na pinamumunuan ni Apollo Quiboloy. Ang dating miyembro na si Teresita Valdehueza, ay nagsiwalat ng ilang malalalim na impormasyon, kabilang na ang pagkakaroon ng P15 milyong quota para sa Christmas caroling ng grupo.
Sa kanyang pahayag sa harap ng Senate Committee on Women, Children, Family Relations, and Gender Equality, isiniwalat ni Valdehueza ang matinding presyur at pagsasamantala na ginawa niya sa mga batang miyembro upang maabot ang itinakdang target para sa pondo ng Christmas caroling.
Dahil sa mga pagsisiwalat na ito, nagkaroon ng mga espekulasyon at pangamba ang ilang netizens, na natatakot para sa kaligtasan ni Valdehueza. May mga haka-haka na baka ipapatay daw siya ni Quiboloy dahil sa pagbubunyag ng mga sensitibong detalye ng grupo. Ang mga ganitong pahayag ay lalo pang nagdagdag ng kontrobersya sa patuloy na isyu na kinakaharap ng KOJC at ni Quiboloy.
Walang komento:
Mag-post ng isang Komento