Ibinahagi ng kilalang doktor at social media influencer na si Doc Willie Ong sa isang panayam ang tungkol sa kanyang kasalukuyang kalagayan kaugnay sa tumor sa kanyang utak. Ayon kay Doc Willie, bagama’t lumiit na ang kanyang tumor, hindi pa siya ganap na cancer-free. May posibilidad pa raw na lumaki ulit ang tumor, na maaaring maglagay sa kanya sa isang kritikal na kondisyon.
Ipinahayag din ni Doc Willie na kailangan pa niyang sumailalim sa iba't ibang medical laboratory tests at chemotherapy upang mapagtagumpayan ang kanyang sakit. Bagama't mabigat ang sitwasyong ito, humihingi si Doc Willie ng dasal mula sa kanyang mga sumusuporta at tagasunod. Ayon sa kanya, malaki ang kanyang pananampalataya at nais pa niyang patuloy na magsilbi sa sambayanang Pilipino, kaya’t humihiling siya ng panalangin upang malampasan ang pagsubok na ito.
Dagdag pa niya, pinahahalagahan niya ang lahat ng mga dasal at suporta mula sa publiko, na nagbibigay sa kanya ng lakas upang patuloy na lumaban sa kanyang karamdaman.
Walang komento:
Mag-post ng isang Komento