Sa isang panayam kamakailan, binalikan ni Efren "Bata" Reyes ang kanyang makulay na karera sa larangan ng billiards at nagbahagi ng taos-pusong pasasalamat sa kanyang mga tagasuporta na patuloy na sumusuporta sa kanya sa loob ng maraming taon. Ayon kay Reyes, labis siyang nagpapasalamat sa mga kababayan at billiards enthusiasts na walang sawang sumubaybay sa kanya mula pa noong kanyang mga unang taon bilang manlalaro.
"Masaya ako na napasaya ko kayong lahat, kapag wala na ako sana hindi niyo ako makakalimutan," saad ni Reyes, na nagpapahiwatig ng kanyang pagpapahalaga sa mga tagasubaybay na patuloy na nagbigay sa kanya ng lakas at inspirasyon sa kabila ng kanyang edad.
Dagdag pa niya, "Lahat kayong mga kababayan at lahat ng mga sumusuporta sa akin, nagpapasalamat ako sa kanila. Hanggang ngayon, nandito pa rin sila," aniya, na nagpapakita ng kanyang pasasalamat at pagmamahal sa kanyang mga tagahanga.
Walang komento:
Mag-post ng isang Komento