Isang nakakalungkot na kwento ang bumalot sa social media matapos mag-viral ang karanasan ng isang estudyanteng umorder ng laptop online. Ayon sa kanya, matagal niyang pinag-ipunan ang nasabing gadget kasama ang kanyang mga magulang, na ang kanilang tanging kabuhayan ay pangingisda. Nang dumating ang package, imbes na laptop ang laman, tatlong pirasong bato ang bumungad sa kanya.
Ayon sa estudyante, labis ang kanyang pagkadismaya at hindi niya maiwasang mapaiyak dahil malaki ang naging sakripisyo ng kanyang pamilya para makabili ng laptop na magagamit niya sana sa nalalapit na pasukan para sa kanyang online classes. Pinag-ipunan ito ng kanyang mga magulang upang makatulong sa kanyang pag-aaral, ngunit tila nauwi sa panloloko ang transaksyon.
Nag-viral ang kanyang post, at marami sa mga netizens ang nagpaabot ng suporta at payo kung paano niya maaaring mabawi ang kanyang perang nawala. Marami ang nagpayo na agad ipagbigay-alam ang insidente sa online seller at sa mga awtoridad upang maimbestigahan at mabawi ang kanilang pinaghirapan.
Walang komento:
Mag-post ng isang Komento