Mariing nagpahayag si Gerald Anderson na wala siyang plano na pumasok sa politika, sa kabila ng mga papuri at positibong reaksyon mula sa publiko dahil sa kanyang mga kabayanihan noong tumama ang Bagyong Carina. Sa ulat ng ABS-CBN, binigyang-diin ng aktor na sapat na para sa kanya na makatulong sa kanyang kapwa gamit ang kanyang plataporma bilang isang kilalang personalidad.
Ayon kay Gerald, maligaya na siyang nasa posisyon kung saan nagagamit niya ang kanyang impluwensya upang makapagbigay ng tulong. "I’m just happy to be in a position where I can also help. Nagagamit ko naman yung platform ko eh," pahayag niya. Ibinahagi rin ng aktor na marami siyang kaibigan sa politika at alam niyang hindi madali ang tungkuling ito.
"May mga kaibigan ako in politics, I know it’s very hard, napakahirap nun, and I wouldn’t jump into something na hindi ako handa or hindi ko pinag-aralan because people’s lives are at stake," dagdag ni Gerald.
Malinaw sa aktor na hindi siya papasok sa isang bagay na hindi niya pinaghahandaan, lalo na kung buhay ng mga tao ang nakataya. Sa kabila ng kanyang kahandaan na tumulong sa pamamagitan ng mga gawaing pangkomunidad, naninindigan siyang manatili sa kanyang kasalukuyang posisyon bilang isang aktor at public figure, kung saan mas malaya niyang naipapaabot ang kanyang tulong sa nangangailangan
Walang komento:
Mag-post ng isang Komento