Isang lalaki na nagpapakilala bilang pastor ang ngayon ay nasa likod ng mga rehas matapos siyang mahuling nagnanakaw sa isang grocery store sa Cebu City. Kinilala ang suspek na si Ben, 42 taong gulang, matapos siyang mahuli ng mga security personnel noong Mayo 30. Siya ay nahuling bitbit ang kanyang mga pinamili at dumaan sa ibang labasan upang maiwasan ang pagdaan sa cashier at pagbabayad.
Ayon sa mga ulat, sinabi ni Ben na siya ay inutusan ng Diyos na huwag magbayad para sa mga grocery items, isang pahayag na ikinagulat ng mga tauhan ng establisyimento. Dahil sa insidente, agad siyang dinakip ng mga security personnel at dinala sa presinto upang harapin ang mga kasong isasampa laban sa kanya.
Samantala, patuloy na iniimbestigahan ng mga awtoridad ang motibo ni Ben, lalo na’t pinaniniwalaan na ginagamit niya ang kanyang pagiging "pastor" upang magtangkang makalusot sa mga krimen na tulad nito.
Walang komento:
Mag-post ng isang Komento