Kinumpirma ni Vina Morales sa isang panayam sa ABS-CBN News na hiwalay na sila ng kanyang non-showbiz boyfriend na si Andrew Kovalcin. Sa kanyang pahayag noong Martes, October 15, 2024, inamin ni Vina na bumalik na siya sa pagiging single at bukas naman siya sa posibilidad ng bagong relasyon, bagamat hindi na ito ang kanyang prayoridad.
"Wala na kami. I'm back to being single, ready to mingle," ani Vina, na nagpapahiwatig na tinanggap na niya ang katotohanan ng kanilang paghihiwalay.
Dagdag pa ni Vina, hindi na niya pinipilit ang pagkakaroon ng lovelife sa kasalukuyan. Hindi na raw siya nalulungkot gaya noon kapag wala siyang karelasyon, dahil natutunan na niyang tanggapin ang sitwasyon at mas focus na siya ngayon sa ibang aspeto ng kanyang buhay. "Hindi na siya priority, kasi before nalulungkot ako pag wala akong lovelife," aniya.
Hindi na rin idinetalye ni Vina ang dahilan ng kanilang paghihiwalay, ngunit malinaw na mas nagiging mahinahon at matatag siya sa kanyang pananaw pagdating sa pag-ibig.
Walang komento:
Mag-post ng isang Komento