Mariing pinabulaanan ng It's Showtime host at dancer na si Jackie Gonzaga ang mga kumakalat na balitang buntis siya at ang co-host na si Ion Perez umano ang ama. Sa isang matapang na post sa social media, hindi napigilan ni Jackie na maglabas ng kanyang saloobin laban sa mga nagkakalat ng maling impormasyon.
"Adik ba kayo? Tigilan niyo bisyo ah kadiri mga tao naniniwala sa fake news!" ani ni Jackie, na halatang nainis sa mga ispekulasyon at maling balita. Para kay Jackie, nakakabahala na maraming tao ang madaling naniniwala sa mga hindi beripikadong impormasyon, na kumakalat lamang upang magdulot ng kontrobersiya.
Hindi ito ang unang beses na nasangkot si Jackie sa mga malisyosong balita. Dahil sa pagiging popular at visible sa telebisyon, madalas siyang biktima ng mga tsismis at fake news. Gayunpaman, nananatiling matatag si Jackie at ginagamit ang kanyang social media platforms upang itama ang mga maling impormasyon na ikinakabit sa kanya.
Sa kabila ng mga isyung ito, patuloy pa rin ang suporta ng kanyang mga tagahanga kay Jackie at patuloy siyang umaangat sa kanyang karera sa entertainment industry.
Walang komento:
Mag-post ng isang Komento