Sa isang mundong puno ng mga mapanghusgang tao, may mga indibidwal pa ring ipinapakita ang kabutihan ng kanilang puso sa pamamagitan ng pagtulong sa mga nangangailangan. Kamakailan, isang larawan ang nag-viral sa social media kung saan makikita ang isang crew ng Jollibee na tumutulong sa isang lola sa gitna ng daan, sa hatinggabi.
Ayon sa ulat, pauwi na ang nasabing crew patungo sa kanyang boarding house nang makita niya si lola na nahihirapan maglakad mag-isa. Agad siyang lumapit at nagdesisyon na tulungan ito pauwi. Pinatotohanan ng crew na nakita niyang kailangan ni lola ng tulong kaya hindi siya nagdalawang-isip na alalayan ito, kahit pagod mula sa trabaho.
Ang larawan at kwento ng kabutihang-loob na ito ay mabilis na nagpakalat ng positivity sa mga netizens. Marami ang nagpahayag ng kanilang paghanga sa kabaitan at malasakit ng crew. Marami ring nagkomento ng pasasalamat at pagpapahalaga sa ginawa ng crew, na nagpakita ng tunay na diwa ng pagtulong sa kapwa.
Sa Jollibee, hindi lamang masarap na pagkain ang ibinibida kundi pati ang malasakit sa kapwa. Salamat sa crew na ito, talagang bida ang saya at pagtulong sa iba, lalo na sa mga nangangailangan ng gabay at tulong sa kanilang daan.
Walang komento:
Mag-post ng isang Komento