Masaya si Jay Manalo at ipinagmamalaki ang kanyang half-brother na si Julius Manalo matapos nitong muling makasama ang kanyang Koreanang ina, si Oh Geum Nim, pagkatapos ng 31 taon. Si Julius, na isang pulis at manlalaro ng Maharlika Pilipinas Basketball League (MPBL), ay nagkaroon ng matagal na pagkakalayo mula sa kanyang ina matapos silang umalis ng South Korea noong 1993 kasama ang kanilang ama na si Eustaquio Manalo Jr.
Ang emosyonal na pagkikita ni Julius at ng kanyang ina ay naging viral sa social media. Maraming netizens ang nagkamali ng akala na ito ay bahagi lamang ng isang K-Drama dahil sa drama at emosyonal na eksenang napanuod sa video na inilabas ng Korean media na TV Chosun. Ikinagulat din ng maraming netizens ang rebelasyon na si Julius ay kapatid ni Jay Manalo.
Ayon kay Jay, labis siyang natuwa para sa kanyang kapatid at sa wakas, pagkatapos ng napakahabang panahon, nagkita na rin sila ng kanilang ina. Parehong anak ni Eustaquio Manalo Jr. sina Jay at Julius, ngunit magkaiba ang kanilang mga ina. Si Jay ay anak ng Vietnamese national na si Kim Lan Jones, habang si Julius ay anak ni Oh Geum Nim, isang Koreana.
Ibinahagi ni Julius na ang dahilan ng kanilang paglisan mula sa South Korea ay sinabi ng kanyang ama na magbabakasyon lamang sila sa Amerika, ngunit natagalan ang kanilang pamamalagi. Ayon kay Julius, sinabi ng kanyang ama na isa sa mga dahilan ng kanilang pag-alis ay dahil ang ina ni Julius ay mag-aasawa muli, at hindi umano gusto ng magiging asawa ng kanyang ina na manatili siya.
Walang komento:
Mag-post ng isang Komento