Nagbigay ng matapang na pahayag si Ogie Diaz kaugnay ng isyung kinasasangkutan ng isang bata na diumano'y inabuso ng independent contractors sa isang GMA Gala. Bilang isang magulang, sinabi ni Ogie na hindi niya palalampasin ang ganitong sitwasyon kung ang kanyang anak ang biktima.
Ayon kay Ogie, kung siya ang nasa posisyon ng mga magulang ng bata, aaksyunan niya agad ang insidente upang masiguradong managot ang mga may kasalanan. Hindi lamang basta paghingi ng danyos ang kanyang hinihingi kundi pati na rin ang pagtanggal sa trabaho ng mga sangkot. Dagdag pa niya, dapat ay kasuhan ang mga ito at masigurong makakamit ng bata ang hustisya.
Ibinahagi rin ni Ogie na ayon sa impormasyon na kanyang natanggap, may isang contractor na natanggal na sa trabaho habang ang isa ay hindi pa. Lumabas din sa kanyang mga sources na ang mga suspek ay sinasabing nagkamali sa akala na ang batang biktima ay "pa-booking" umano. Sa kabila nito, binatikos ni Ogie ang ganitong rason, lalo na't may alegasyon pa na pinatikim ng illegal substance ang bata.
Itinampok din ni Ogie na mayroong panloloko sa pag-anyaya sa bata, na inakala nitong may ibang creatives sa kwarto, ngunit pagdating niya ay dalawang gay executives ang nadatnan niya roon.
Walang komento:
Mag-post ng isang Komento