Isang matinding kritisismo ang ipinukol laban kina Ivana Alawi at Nadine Lustre patungkol sa kanilang pag-promote ng isang sugal na produkto. Ayon sa mga netizens, mayroong malaking responsibilidad ang mga kilalang personalidad na tulad nina Ivana at Nadine, at hindi nila dapat ginagamit ang kanilang impluwensya para mag-promote ng mga bagay na maaaring makasama sa kanilang mga tagahanga, lalo na sa mga kabataan.
Isang social media post ang naglabas ng matapang na pahayag laban sa dalawang aktres, sinasabing "Pwede silang kumita ng milyon-milyon malagay lang sa billboard, pero EJ Obiena said no." Nagbigay-diin ito na mayroong mga oportunidad ang mga personalidad na tumanggi sa mga endorsement na sa tingin nila ay hindi nakabubuti, ngunit sa pagkakataong ito, tila mas pinili nina Ivana at Nadine na i-promote ang isang produkto ng sugal.
Pinunto ng post na sa halip na sugal ang i-promote, mas mabuting itaguyod ang edukasyon, disiplina, inobasyon, at sipag. Dagdag pa, binigyang-diin na maraming kabataan ang madaling maimpluwensyahan ng mga sikat na personalidad, kaya't masama ang magiging epekto kapag mga idolo nila mismo ang nagpo-promote ng mga maling bagay.
Walang komento:
Mag-post ng isang Komento