Hinahanap ngayon ng mga netizens ang itinanghal na most admired athlete na si Carlos Yulo ngunit tila siya ay nawawala at hindi nagpapakita ngayong kasagsagan ng Bagyong Kristine. Inaasahan nilang makikibahagi siya sa pagtulong sa mga biktima ng bagyo, lalo na sa ganitong mga pagkakataon na nangangailangan ng bayanihan.
Ayon sa ilang netizens, ito na sana ang tamang panahon upang ipakita ni Carlos ang kanyang pagiging isang "most admired" na atleta hindi lamang sa larangan ng sports kundi pati na rin sa mga gawaing makatao. Ang kanilang pagkadismaya ay mas lalong naramdaman nang walang anumang balita o post na nagpapakita na si Carlos ay aktibong nakikilahok sa mga relief efforts o tumutulong sa mga nasalanta ng bagyo.
Marami ang umaasa na sana'y makita nilang ang kanilang idolo ay gagamitin ang kanyang impluwensya para magbigay ng inspirasyon at tulong sa mga nangangailangan.
Walang komento:
Mag-post ng isang Komento