Sa isang nakakatuwang pagbabalik-tanaw, inamin ng aktres na si Carmina Villarroel na muntik na silang magkatuluyan ng aktor na si Piolo Pascual. Sa kanilang livestream na puno ng reminisce, naging bukas si Carmina sa pagsasabing halos mahulog na sila sa isa't isa. "Close tayo! Super close tayo! Sa sobrang close nga muntikan na ngang maging kami," ani Carmina na may kasamang tawa.
Tila parehong kilig at saya ang nadama ni Piolo habang kinumpirma ang sinabi ni Carmina. "Pero dapat tayo, ‘di ba? Umamin ka!” biro ni Piolo, na nagpahiwatig na may mutual na damdamin ang dalawa noon.
Gayunpaman, idinagdag ni Carmina na kahit naging malapit sila, hindi ito nauwi sa isang seryosong relasyon dahil hindi nanligaw si Piolo sa kanya. "Ano aaminin ko? Ito kasi, e. Kulang na lang ako lumigaw diyan, e," pabirong sagot ni Carmina, na nagpasaya sa kanilang mga tagahanga na nanonood ng kanilang livestream.
Sa kabila ng kanilang nakaraan, ang dalawa ay nanatiling mabuting magkaibigan. Si Carmina ay ikinasal kay Rustom Padilla noong 1994 at kay Zoren Legaspi noong 2012, kung saan mayroon na silang masayang pamilya. Samantalang si Piolo Pascual ay nananatiling isa sa mga pinakainaabangang aktor sa industriya ng showbiz sa Pilipinas.
Walang komento:
Mag-post ng isang Komento