Viral ngayon ang kwento ng magkapatid na sina Jay at Julius Manalo matapos muling magtagpo ni Julius ang kanyang inang Koreana pagkatapos ng 31 taon. Dahil sa nakakaantig nilang kwento, maraming netizens ang nagnanais na makita sila bilang endorsers sa isang fast-food brand.
Si Julius, na isang police officer at manlalaro ng Maharlika Pilipinas Basketball League (MPBL), ay nagtrabaho noon sa isang fast-food chain bago naging opisyal ng pulis. Maraming netizens ang nagkumento na sila'y bagay na maging endorsers ng isang fast-food company, hindi lamang dahil sa kanilang kwento, kundi dahil sa kanilang ipinakitang pagmamahal sa pamilya at determinasyon.
Ang kwento ng magkapatid ay nagbigay inspirasyon sa maraming tao, lalo na't hindi alam ng karamihan na si Julius ay kapatid ni Jay Manalo, isang kilalang aktor. Sa kabila ng kanilang magkaibang buhay, makikita ang matibay na samahan at suporta sa isa't isa. Si Jay, kahit noong nagsisimula pa lamang bilang aktor, ay tinulungan si Julius nang malaman ang kalagayan nito na nagtitinda ng basahan upang matulungan ang pamilya.
Dahil sa kanilang kwento ng pagsusumikap at pagtulong sa isa't isa, maraming netizens ang nag-aabang at umaasa na makikita silang dalawa bilang bagong mukha ng isang fast-food brand, bilang simbolo ng pagmamahal sa pamilya at determinasyon sa buhay.
Walang komento:
Mag-post ng isang Komento