Nagkaroon ng iba’t ibang reaksyon mula sa mga netizens ang larawan na ibinahagi ng batikang aktor na si Cesar Montano, kung saan makikita ang pagdiriwang nila ng Mother’s Day kasama ang kanyang kasalukuyang partner na si Kath Angeles at ang dati niyang asawa na si Sunshine Cruz. Kasabay rin nitong ipinagdiwang ng pamilya ang pagtatapos ni Samantha, isa sa mga anak nina Cesar at Sunshine.
Ang nasabing larawan ay mabilis na nag-viral at umani ng libo-libong reaksyon mula sa mga netizens. Karamihan ay nagpahayag ng paghanga sa pagkakaroon ng maayos na relasyon nina Cesar, Kath, at Sunshine para sa kapakanan ng kanilang mga anak. Pinuri sila ng netizens dahil sa pagpapakita ng pagiging matured at pagkakaroon ng healthy co-parenting setup.
Gayunpaman, mayroon ding ilan na nagbigay ng opinyon na bagama’t maganda ang pagkakaisa ng pamilya, maaaring hindi ito madali para sa lahat ng dating mag-asawa. Sa kabila ng mga magkahalong reaksyon, kapansin-pansin ang pagkakaroon ng mas positibong feedback mula sa publiko, na nagpapatunay sa kahalagahan ng pagkakaisa para sa ikabubuti ng mga anak.
“Dito sa ibang bansa kahit hiwalay na ang mag asawa may bonding pa rin at good relationship pa rin sa kanilang mga ex .sa pinas lang talaga daming bitter na pag once ex na dapat may galit tanim sa isat isa bahahhahaha,” ani netizen Yam.
Matatandaan na naghiwalay si Cesar at Sunshine noong 2013 dahil sa magulo nilang pagsasama.
Walang komento:
Mag-post ng isang Komento