Matapos ulanin ng batikos sa social media, ginawa nang privado ng aktor na si Romnick Sarmenta ang kanyang mga post para sa publiko. Ito ay kasunod ng kontrobersyal na tanong niya na nagdulot ng sari-saring reaksyon mula sa netizens, partikular na mula sa mga taga-Davao.
Sa isang tweet, tinanong ni Romnick kung bakit tila maraming mga pinaghahanap ng batas ang natutunton o nagtatago sa Davao. Ang kanyang tanong ay, “Tanong lang: Bakit yung mga pinaghahanap ng batas, madalas sa Davao natutunton? Maganda ba talagang taguan ang Davao? O may tumutulong magtago?”
Agad namang kumalat ang nasabing post, na nagdulot ng iba't ibang reaksiyon mula sa mga taga-Davao at mga tagasuporta ng lungsod. Marami ang nagsabing tila negatibo ang implikasyon ng tanong ng aktor, habang ang iba naman ay ipinagtanggol si Romnick, na nagsasabing lehitimo lamang ang kanyang tanong.
Dahil sa kaliwa’t kanang batikos, minabuti ng aktor na gawing pribado ang kanyang mga social media posts upang maprotektahan ang kanyang sarili mula sa mas maraming online backlash. Sa kabila nito, patuloy pa rin ang mga diskusyon sa social media hinggil sa kanyang tanong at ang kahulugan nito sa kalagayan ng batas at kaayusan sa Davao.
Walang komento:
Mag-post ng isang Komento