Nagpakita ng labis na pag-aalala ang social media personality na si Rosmar Tan-Pamulaklakin sa mga kababayan sa Bicol na lubos na naapektuhan ng Bagyong Kristine. Sa kanyang post, inihayag ni Rosmar ang kanyang damdamin at pagkahabag sa mga residente ng Bicol na kasalukuyang nakikipaglaban sa mga epekto ng bagyo at malawakang pagbaha.
"Ang hirap isipin na habang kami nakahiga sa malambot na kama, kagigising lang at naka-aircon, ang daming bata, matanda na 'di na alam paano ililigtas sarili sa Bicol dahil sa baha at bagyo," ani Rosmar sa kanyang post.
Ang Bagyong Kristine ay nagdulot ng malakas na hangin at pag-ulan sa Bicol region, na naging sanhi ng malawakang pagbaha at paglikas ng maraming residente. Maraming tahanan ang nasira at mga kabuhayan ang naapektuhan. Ang mga residente, kabilang ang mga bata at matatanda, ay nagtitiis sa hirap ng kalagayan habang umaasa sa tulong mula sa gobyerno at mga pribadong sektor.
Walang komento:
Mag-post ng isang Komento