Nagbigay ng pahayag si Pastor Apollo Quiboloy sa kanyang mga miyembro sa Kingdom of Jesus Christ (KOJC) matapos ang isang pagdinig kung saan lumutang ang mga akusasyon laban sa kanya. Sa kanyang mensahe, hinimok ni Pastor Quiboloy ang mga miyembro ng kanyang simbahan na manatiling matatag at magtiwala sa katotohanan.
Ayon kay Pastor Quiboloy, "To KOJC, tatag lang. Basta the truth shall set us free." Ipinahayag din niya ang isang pahayag mula sa Bibliya, na nagsasabing "Jesus Christ said you shall know the truth, and the truth shall set you free," bilang pagpapalakas ng loob sa kanyang mga tagasunod.
Dagdag pa rito, binigyang-diin ni Quiboloy na kung tunay ang mga akusasyon laban sa kanya, dapat dalhin ng mga nag-aakusa ang kanilang mga hinaing sa korte. "If these people are telling the truth, they should go to court," saad ni Pastor Quiboloy. Pinanindigan niya na ang katotohanan ay magbibigay ng kalayaan sa kanila, at hinamon ang mga nagpaparatang na magsampa ng mga kaso kung talagang mayroong katotohanan sa kanilang mga sinasabi.
Sa harap ng mga mabibigat na alegasyon, patuloy ang pagpapahayag ni Quiboloy ng kanyang pagiging matatag at kumpiyansa sa katotohanan, kasabay ng pagtawag sa kanyang mga miyembro na huwag bumitiw sa kanilang pananampalataya.
Walang komento:
Mag-post ng isang Komento