Adamson University, Sinaluduhan ang Tagumpay ang Yulo Family: Apat na Gold at Dalawang Silver Artistic Gymnastics Stars Championships

 

Ipinagbunyi ng Adamson University ang natatanging tagumpay ng kanilang estudyanteng si Karl Eldrew Yulo sa katatapos lamang na 3rd JRC Artistic Gymnastics Stars Championships 2024 na ginanap sa Bangkok, Thailand. Ang pambihirang husay at dedikasyon ni Yulo sa gymnastics ay nagdala ng karangalan sa bansa at sa kanyang unibersidad matapos niyang masungkit ang apat na gintong medalya at dalawang pilak sa prestihiyosong kumpetisyon.

Nagpakitang-gilas si Karl Eldrew Yulo sa iba’t ibang kategorya ng gymnastics sa nasabing kumpetisyon. Nakuha niya ang apat na gintong medalya sa Individual All Around, Floor Exercise, Still Rings, at Vault categories. Samantala, nasungkit niya rin ang dalawang pilak sa Parallel Bars at Team categories, na nagbigay ng dagdag na karangalan para sa bansa at sa Adamson University.

Ang mga medalya ni Yulo ay patunay ng kanyang kasanayan at sipag sa larangan ng gymnastics. Ang kanyang disiplina at dedikasyon sa pagsasanay ay nagbunga ng tagumpay sa kumpetisyong ito, na nagpatunay na siya ay isa sa mga pinakamahusay na batang gymnast ng bansa.