Ibinahagi ng aktres na si Pokwang ang kanyang pagkadismaya at galit matapos mawala ang malaking halaga ng pera mula sa kanyang GCash account. Sa kanyang Instagram post, isiniwalat niya na siya ay kabilang sa mga nabiktima ng mga scam sa sikat na digital payment app na GCash, at inilahad ang kanyang pagkabahala tungkol sa implementasyon ng SIM card registration policy sa bansa.
Ayon kay Pokwang, isang umaga ay nagising siya na wala na ang laman ng kanyang GCash account. Sinabi niya na ang pera sa kanyang account ay na-transfer sa halos 30 iba't ibang numero na hindi nakarehistro. Sa kanyang post, ipinakita niya ang mga screenshot ng mga transaksyon na nagpakita ng mga halagang ninakaw mula sa kanyang account.
“Naghahanap buhay po ako ng marangal, nagbibigay po ako ng hanapbuhay sa mga single mom, tapos isang umaga pagka-gising mo, simot ang laman ng GCash account? Iba't-ibang number na hindi naka rehistro halos nasa 30 numero na hindi naka rehistro!!!” ani Pokwang sa kanyang post.
Matapos ilabas ni Pokwang ang kanyang hinaing, maraming netizens ang nagpahayag ng kanilang simpatya at suporta sa kanya. Ang ilan ay nagbahagi rin ng kanilang mga karanasan bilang biktima ng mga online scams at kinundena ang kakulangan ng proteksyon sa mga digital platforms. Maraming nagkomento na dapat pang pag-igtingin ang seguridad ng mga payment apps at i-review ang implementasyon ng SIM card registration policy.
Walang komento:
Mag-post ng isang Komento